Azərbaycan süd və qaymaq idxalını təxminən 24 % artırıb

Bu ilin yanvar-oktyabr aylarında Azərbaycan 10 min 353 ton süd və qaymaq idxal edib.

“Report” Dövlət Gömrük Komitəsinə istinadən xəbər verir ki, bu həcmdə süd və qaymağın idxal dəyəri 20 milyon 580 min ABŞ dolları təşkil edib.

Bu, həcm baxımından 2022-ci ilin müvafiq dövrü ilə müqayisədə 1993 ton (23,8 %), dəyər baxımından isə 5 milyon 502 min ABŞ dolları (36,5 %) çoxdur.

Azərbaycan 2022-ci ilin 10 ayı ərzində 15 milyon 078 min ABŞ dolları dəyərində 8 min 360 ton süd və qaymaq idxal edib.

Qeyd edək ki, hesabat dövründə süd və qaymaq idxalına çəkilən xərc Azərbaycanın ümumi idxal xərclərinin 0,15 %-ini təşkil edib.