Azərbaycan Ruanda ilə iqtisadi-ticarət əlaqələrini genişləndirməyi müzakirə edib

Azərbaycanla Ruanda arasında sosial xidmətlər, iqtisadiyyat, ticarət və humanitar sahələrində əməkdaşlıq imkanları müzakirə edilib.

“Report” xəbər verir ki, bununla bağlı müzakirələr iqtisadiyyat nazirinin müavini Elnur Əliyevin Ruanda İnkişaf Şurasının Baş icraçı direktorunun müavini Juliana Muganza ilə keçirdiyi görüşdə aparılıb.

Görüşdə, Azərbaycanın sosial xidmətlər sahəsində uğurlu təcrübəsi, bu sahədəki islahatlar barədə məlumat verilib, əlaqələrin inkişafına dəstək məqsədilə hüquq-müqavilə bazasının genişləndirilməsinin vacibliyi vurğulanıb.