​Viktor Lebedev: "Azərbaycan, Bakı şəhəri və onun sakinləri çox xoşuma gəlib"

Bakı. 23 iyun. REPORT.AZ/ "Azərbaycan, Bakı şəhərinin özü və onun sakinləri çox xoşuma gəldi və buranın gözəl aurası var."

"Report" Rusiya KİV-inə istinadən xəbər verir ki, bu barədə Yakutiyada baş tutan konfransda çıxış edən idmanın sərbəst güləş növü üzrə 57 kq çəki dərəcəsində I Avropa Oyunlarının qalibi Viktor Lebedev bildirib.

"Mən Olimpiya Oyunlarında olmamışam, lakin orada iştirak edən komanda yoldaşlarım deyirlər ki, azərbaycanlılar bu Oyunları hətta bəzən oradakından da yaxşı səviyyədə təşkil edə biliblər", - Viktor Lebedev deyib.

Onun sözlərinə görə, Bakıda ilk Avropa Oyunları çərçivəsində baş tutan sərbəst güləş üzrə yarışlara tamaşaçılar arasında böyük maraq var idi.