Nazir: "Bakı Harmoniya İqlim Təşəbbüsünün hər il keçiriləcək tədbirə çevrilməsi planlaşdırılır"

Bakı Harmoniya İqlim Təşəbbüsünün hər il keçiriləcək tədbirə çevrilməsi planlaşdırılır.

"Report" xəbər verir ki, bunu jurnalistlərə açıqlamasında kənd təsərrüfatı naziri Məcnun Məmmədov bildirib.

Onun sözlərinə görə, Təşəbbüsün əsas məqsədi fermerlərin iqlim dəyişiklikləri ilə bağlı məlumatlılığın artırılması, dünyadakı bütün təşəbbüslərin bir araya gətirilərək koordinasiyalı şəkildə birgə real addımların atılmasıdır: "Biz onu illik tədbirə çevirməyi düşünürük. İqlim dəyişikliyi ən çox kənd təsərrüfatı sahəsinə təsir etdiyi üçün bu təşəbbüsün mərkəzində məhz fermerlər dayanır. Bizim hansı addımlar atmağımızdan asılı olmayaraq onu sahədə fermerlər reallaşdıracaqlar".