İmişlidə xurma yığımına başlanılıb, məhsul xeyli ucuzlaşıb 

İmişli rayonunda xurmanın yığımına başlanılıb.

Fermerlərin "Report"un Muğan bürosuna verdikləri məlumata görə, bu il məhsul həmişəki kimi boldur.

Belə ki, hər ağacdan 40 kq-a yaxın məhsul toplanır. Lakin məhsulun alış qiyməti fermerləri qane etmir:

"Həmişə xurmanı 1 manata satmışıq, amma bu il qiymətlər çox aşağı - 30 qəpiyə qədər ucuzlaşıb. Məcbur qalıb həmin qiymətə satırıq. Yoxsa məhsulumuz məhv ola bilər".