Biləsuvarda qeyri-sabit hava alçanın məhsuldarlığına mənfi təsir edib 

Ötən ay ölkə ərazisində müşahidə olunan qeyri-sabit və yağıntılı hava şəraiti meyvə bağlarına da mənfi təsir edib.

Bu barədə "Report"un yerli bürosuna biləsuvarlı fermerlər məlumat verib.

Onların sözlərinə görə, may ayında yağıntılar normadan artıq olduğu üçün alçanın məhsuldarlığı təxminən 30 faizə yaxın aşağı düşüb. Bu səbəbdən də, ötən il 1 manata qədər ucuzlaşan meyvə hazırda 2 manata təklif olunur.

Bioloq Vidadi Məmmədov deyir ki, göycə rayonun iqlim şəraitinə yaxşı uyğunlaşsa da, bu il hava şəraiti ilə əlaqədar meyvələr saralıb. Əvvəlki illərə nisbətən məhsuldarlıq çox aşağıdır.

Qeyd edək ki, Biləsuvar rayonunda 1450 hektar sahədə meyvə bağları mövcuddur.