Azərbaycan Türkiyədən taxıl və paxlalıların idxalına çəkdiyi xərci 9 % artırıb

Bu ilin yanvar-avqust aylarında Azərbaycan Türkiyədən 103,588 milyon ABŞ dolları dəyərində taxıl, paxlalılar, yağlı toxumları və onun məhsullarını idxal edib.

“Report” Türkiyə İxracatçılar Məclisinə istinadən xəbər verir ki, bu, 2023-cü ilin eyni dövrü ilə müqayisədə 8,9 % çoxdur.

Təkcə avqustda Türkiyə Azərbaycana 11,023 milyon ABŞ dollarlıq taxıl, paxlalılar, yağlı toxumları və onun məhsullarını ixrac edib ki, bu da 1 il əvvələ nisbətən 0,1 % çoxdur.

Hesabat dövründə Türkiyənin taxıl, paxlalılar, yağlı toxumları və onun məhsullarını ixracının ümumi dəyəri illik müqayisədə 0,9 % artaraq 7 milyard 767 milyon ABŞ dollarına çatıb, avqustda isə 12,1 % azalaraq 0,978 milyard ABŞ dollarına enib.