Azərbaycan qarğıdalı idxalını kəskin artırıb

Bu ilin yanvar-may aylarında Azərbaycan 36 min 896 ton qarğıdalı idxal edib.

“Report” Dövlət Gömrük Komitəsinə istinadən xəbər verir ki, bu həcmdə qarğıdalının dəyəri 13 milyon 413 min ABŞ dolları təşkil edib.

Məlumata görə, bu ötən ilin müvafiq dövrü ilə müqayisədə həcm baxımından 17 min 459 ton (89,8 %) çoxdur, dəyər baxımından isə 4 milyon 578 min ABŞ dolları (51,8 %) çoxdur.

Hesabat dövründə isə qarğıdalı idxalına çəkilən xərc Azərbaycanın ümumi idxal xərclərinin 0,26 %-ini təşkil edib.

Ötən il 32, 2 min hektar əkin sahəsindən 287,3 min ton qarğıdalı yığılıb.