Azərbaycan qarğıdalı idxalını 2 dəfə artırıb

Bu ilin yanvar-iyul ayları ərzində Azərbaycana 39 min 642 ton qarğıdalı idxal edilib.

“Report” Dövlət Gömrük Komitəsinə istinadən xəbər verir ki, bu həcmdə qarğıdalının dəyəri 14 milyon 624 min ABŞ dolları təşkil edib.

Qeyd edək ki, bu, 2021-ci ilin müvafiq dövrü ilə müqayisədə həcm olaraq 20 min 146 ton (2 dəfə) , dəyər olaraq isə 5 milyon 720 min ABŞ dolları (54,2 %) çoxdur.

Hesabat dövründə qarğıdalı idxalı Azərbaycanın ümumi idxalının 0,42 %-ini təşkil edir.