Azərbaycan kərə yağı idxalını 11 %-dək azaldıb

Ötən il Azərbaycana 15 min 034 ton kərə yağı və süddən hazırlanmış digər yağlar idxal edilib.

“Report” Dövlət Gömrük Komitəsinə istinadən xəbər verir ki, idxal edilən kərə yağı və süddən hazırlanmış digər yağların dəyəri 78 milyon 856 min ABŞ dolları təşkil edib.

Bu, 2020-ci illə müqayisədə müvafiq olaraq 1 min 772 ton (10,5 %) və 3 milyon 752 min ABŞ dolları (4,5 %) azdır .

Hesabat dövründə kərə yağı və süddən hazırlanmış digər yağların idxalına çəkilən xərc Azərbaycanın ümumi idxal xərclərinin 0,67 %-ini təşkil edib.

Xatırldaq ki, 2021-ci ildə ölkədə 25 min 740 ton kərə yağı istehsal edilib. Bu, 2020-ci illə müqayisədə 0,4 % azdır.