Azərbaycan iki ölkədən portağal tədarük etməyə başlayıb

Bu ilin yanvar-aprel aylarında Azərbaycan 11,14 milyon ABŞ dolları dəyərində 15 min 809 ton portağal idxal edib.

“Report”un Dövlət Statistika Komitəsinin məlumatları əsasında apardığı hesablamalarına əsasən, bu, 2023-cü ilin eyni dövrünün göstəricisindən dəyər ifadəsində 40 %, kəmiyyət olaraq – 40 % çoxdur.

Hesabat dövründə Azərbaycan İrandan 9,4 milyon ABŞ dolları dəyərində (bir il əvvəlki göstəricidən 58 % çoxdur) 13 min 419 ton (+58 %), Türkiyədən 1,1 milyon ABŞ dolları dəyərində (-38 %) 1 min 538 ton (-37 %), Misirdən 521,43 min ABŞ dolları dəyərində (+94 %) 652 ton (+93 %), Kiprdən 139,11 min ABŞ dolları dəyərində 199 ton, İspaniyadan 1,8 min ABŞ dolları dəyərində (-18 %) 2,24 ton (-17 %) məhsul alıb.

Bu il son 13 ildə (qeyd: xarici ticarət üzrə açıq istifadədə olan rəsmi statistika 2011-ci ilə kimidir) ilk dəfə olaraq Vyetnamdan (0,03 min ABŞ dollar dəyərində 0,01 ton) və Kiprdən tədarük həyata keçirilib.

2023-cü ildə Azərbaycana 8 ölkədən idxal edilmiş 19,6 min ton portağalın 69,3 %-i İranın, 18,8 %-i Türkiyənin payına düşüb.