Azərbaycan ət idxalını 4 %-dən çox artırıb

Bu ilin yanvar-may aylarında Azərbaycan 15 min 340 ton ət idxal edib.

“Report” Dövlət Gömrük Komitəsinə istinadən xəbər verir ki, bu həcmdə idxal edilmiş ətin dəyəri 26 milyon 716 min ABŞ dolları təşkil edib.

Bu həcm baxımından 2021-ci ilin müvafiq dövrü ilə müqayisədə 657 ton (4,4 %), dəyər ifadəsində isə 908 min ABŞ dolları (3,5 %) çoxdur.

Hesabat dövründə isə ət idxalına çəkilən xərc Azərbaycanın ümumi idxal xərclərinin 0,52 %-ini təşkil edib.