Ukrayna səfiri: "Azərbaycanın ərazi bütövlüyünü dəstəkləyirik"

Bakı. 20 oktyabr. REPORT.AZ/ "Azərbaycan və Ukraynanın ortaq problemi var. Bu, ölkələrimizn ərazilərinin bir hissəsinin işğal edilməsidir".

"Report" xəbər verir ki, bunu jurnalistlərə açıqlamasında Ukraynanın Azərbaycandakı səfiri Aleksandr Mişenko deyib.

Səfir Ukrayna prezidenti Pyotr Poroşenkonun Azərbaycana səfəri zamanı Dağlıq Qarabağ münaqişəsində status-kvonun qəbuledilməzliyini vurğuladığını xatırladıb. "Azərbaycanın ərazi bütövlüyünü dəstəkləyirik", - deyə A.Mişenko bildirib.

Səfir əlavə edib ki, Ukrayna hazırda torpaqlarının azad edilməsi üçün hərbi gücünü artırır.