Türkiyə parlamentinin sədri: "Qarabağ məsələsində bəzi dövlətlərin ədalətsizliyini gördük"

“İkinci Dünya müharibəsindən sonra beynəlxalq sistemin tənzimlənməsi bir neçə dövlətin vicdanına təslim edilib. Biz Qarabağ məsələsində də bəzi dövlətlərin ədalətsizliyini gördük”.

“Report” xəbər verir ki, bunu Türkiyə Böyük Millət Məclisinin (TBMM) sədri Mustafa Şəntop Türk Dövlətləri Parlament Assambleyasının Ankarada keçirilən iclasında deyib.

O bildirib ki, türk dövlətləri arasında əlaqələr güclənməlidir: “Bu coğrafiyada uğur qazanmaq lazımdır. Sərhədləri aşan böhranlara birlikdə qalib gəlməliyik. Bu günün dünyası haqsızlıqlarla doludur. Türk xalqları bu haqsızlıqlara ən çox məruz qalanlar sırasındadır”.