Cahit Bağcı: Türk dövlətləri ilə ticari-iqtisadi əlaqələri artırmaq əsas hədəfimizdir

Türk dövlətləri ilə ticari-iqtisadi əlaqələri artırmaq əsas hədəfimizdir

"Report" xəbər verir ki, bunu Türkiyənin Azərbaycandakı səfiri Cahit Bağçı Cümhuriyyətin 101-ci ildönümü münasibətilə keçirilən qəbulda deyib.

O, bu günün önəmini vurğulayaraq qeyd edib ki, kökləri güclü tarixə söykənən Türkiyə Cümhuriyyətini daha da inkişaf etdirmək əsas hədəflərdəndir:

"Türkiyə 1 trilyon dollardan çox olan milli gəliri ilə dünyada öz mövqeyini qoruyur. Türkiyə müdafiə sənayesinin inkişafını 80 faiz artırmağa nail olmuş bir ölkədir. Biz səhiyyədən təhsilə, kənd təsərrüfatından turizmə kimi bütün sahələrdə ancaq özümüzlə yarışırıq. Dünyanın ən böyük iqtisadiyyata sahib 10 ölkəsi sırasında olmaq üçün yarışırıq. Əsas hədəfimiz türk dövlətləri ilə iqtisadi əlaqələrimizi daha da möhkəmləndirməkdir".