Rusiyada ümummilli lider Heydər Əliyevin xatirə gecəsi keçirilib

Azərbaycanın Rusiyadakı səfirliyi Moskvada ümummilli lider Heydər Əliyevin xatirəsinə həsr olunmuş gecə təşkil edib.

“Report”un yerli bürosu xəbər verir ki, tədbirin qonaqları arasında tanınmış siyasi və ictimai xadimlər, Heydər Əliyevin dostları və silahdaşları, dost ölkələrin səfirləri olub.

Tədbiri açan Azərbaycanın Rusiya Federasiyasındakı səfiri Polad Bülbüloğlu qeyd edib ki, 2006-cı ildən xalqımızın görkəmli oğlu, ümummilli lider Heydər Əliyevin anım günü səfirliyin binasında keçirilir.

“Heydər Əlirza oğlu Əliyev haqqında saatlarla danışa bilərəm, çünki bu şəxsiyyət mənim həyatımda xüsusi rol oynayıb.

Sovet dövründə gələcək bəstəkar və rəssam kimi onunla ulu öndər kimi danışmışam. Təbii ki, 1960-1970-ci illərin qovşağında Azərbaycanın yaradıcı insanlarının bütün uğurları Heydər Əliyevin adı ilə bağlı olub. Mən sonra mədəniyyət naziri oldum.

1993-cü ildə isə Heydər Əliyev qayıdanda məni bu vəzifəyə təyin etməyi lazım bildi. Mən 10 il mədəniyyət naziri kimi onun komandasında işləmişəm. Bu, nəhəng məktəbdir, insan və həyat, ümumən necə yaşamaq və işləmək, xalqınıza, dövlətinizə necə fayda gətirmək məktəbidir. Mənim həyatımda Heydər Əlirza oğlu Əliyevin rolu çox böyükdür”, - deyə Polad Bülbüloğlu bildirib.

Rusiya Dövlət Dumasının Beynəlxalq Məsələlər Komitəsinin sədri Leonid Slutski öz növbəsində qeyd edib ki, Heydər Əliyevin oğlu, Azərbaycan Prezidenti, Ali Baş Komandan İlham Əliyevin dahi atasının vəsiyyətini yerinə yetirərək Azərbaycanı iqtisadiyyatı firavan, enerjidən asılı olmayan müstəqil dövlət etdi, qanayan Qarabağ probleminin həllini övladlara və nəvələrə buraxmadı, ən çətin və qeyri-standart vəzifələrin həllinə qadir olduğunu bütün dünyaya nümayiş etdirdi.

Gecə çərçivəsində Rusiya Uşaq Fondunun sədri Albert Lixanovun “Yaddaşda silinmir” kitabının təqdimatı olub.

Kitabda A.Lixanovun fondun yaranma vaxtı və Heydər Əliyevin SSRİ hökuməti sədrinin birinci müavini kimi bu işdə oynadığı əvəzsiz rol haqqında xatirələri yer alıb.

Heydər Əliyevlə bağlı parlaq, parlaq xatirələr, onunla söhbətlər, bu insan haqqında o illərin gündəlik qeydləri əsasında səsləndirilən fikirlər nadir fotoşəkillərlə tamamlanır.

Xatirə gecəsi konsert proqramı ilə davam edib.