QAFSAM-ın sədri: “Cənubi Qafqaz və Mərkəzi Asiya geosiyasətdə bir-birini tamamlayır”

“Cənubi Qafqaz, xüsusən də Azərbaycan və Mərkəzi Asiya geosiyasət baxımından bir-birini tamamlayır və Xəzər dənizi onlar arasında bağ təşkil edir”.

"Report"un xəbərinə görə, bunu Qafqaz Beynəlxalq Münasibətlər və Strateji Araşdırmalar Mərkəzinin (QAFSAM) sədri Araz Aslanlı Bakıda Beynəlxalq Münasibətlərin Təhlili Mərkəzinin (BMTM) təşkilatçılığı ilə "Özbəkistan və Azərbaycan: əməkdaşlığın yeni üfüqləri" mövzusunda keçirilən Dəyirmi masada deyib.

A.Aslanlı Cənubi Qafqaz və Mərkəzi Asiya arasında əməkdaşlığı dərinləşdirəcək müxtəlif platformaların yaradılmasının zəruriliyini bildirib: “Biz brendləri dünya bazarına çıxarmaq üçün ümumi brendlər yaratmalıyıq”.