Prezident İlham Əliyev Myanma İttifaqı Respublikasının Prezidentini təbrik edib

Bakı. 4 yanvar. REPORT.AZ / Prezident İlham Əliyev Myanma İttifaqı Respublikasının Prezidenti Theyn Seynə təbrik məktubu ünvanlayıb.

"Report"-un məlumatına görə, təbrik məktubunda deyilir:

"Hörmətli cənab Prezident,

Myanma İttifaqı Respublikasının milli bayramı – Müstəqillik günü münasibətilə Sizi və bütün xalqınızı öz adımdan və Azərbaycan xalqı adından ürəkdən təbrik edirəm.

Bu xoş gündə Sizə möhkəm cansağlığı, işlərinizdə uğurlar, dost xalqınıza əmin-amanlıq və tərəqqi arzulayıram".