Pezeşkian: İran Azərbaycanla bütün sahələrdə strateji əlaqələrin olması üçün səy göstərəcək

İran Azərbaycanla bütün sahələrdə strateji əlaqələrin olması üçün səy göstərəcək.

“Report”un əməkdaşı xəbər verir ki, bu barədə İran Prezidenti Məsud Pezeşkian Azərbaycan Prezidenti İlham Əliyev ilə birgə mətbuat konfransında danışıb.

O qeyd edib ki, iki ölkə problemlərini birlikdə, danışıq yolu ilə həll edə bilər:

“Bir-birimizin ərazi bütövlüyünə qarşılıqlı hörmətlə region ölkələri olaraq əlaqələri gücləndirə bilərik. Yollar və maliyyə kanalları aça bilərik. Bu yolla bir-birimizə kömək edərik. İstehsalçılarımız birgə çalışa bilərlər. Bizim aramızda başqalarının ixtilaf yaratmasına imkan verməməliyik”.