Nazir: “Pandemiyadan öncə Qazaxıstanla Azərbaycan arasında turizm sahəsində çox müsbət dinamika var idi"

“Pandemiyadan öncə Qazaxıstanla Azərbaycan arasında turizm sahəsində çox müsbət dinamika mövcud idi. Bu sahənin ölkələrimiz arasında münasibətlərin inkişafında vacibliyi bir daha qeyd edilib”.

“Report” xəbər verir ki, bunu Azərbaycanın xarici işlər naziri Ceyhun Bayramov Azərbaycanda rəsmi səfərdə olan Qazaxıstanın baş nazirinin müavini - xarici işlər naziri Muxtar Tileuberdi ilə görüşdən sonra bəyanatında deyib.

Nazir bildirib ki, qazaxıstanlı həmkarı ilə görüşdə karantin məhdudiyyətlərinin yumşalmasına paralel olaraq iki ölkə arasında səfərlərin asanlaşması istiqamətində aviareyslərin yenidən açılmasının xüsusi əhəmiyyəti qeyd edilib.