Səid Xətibzadə: İran regiondakı bütün dost ölkələrə, o cümlədən Azərbaycana minnətdardır

İran regiondakı bütün dostlarına, o cümlədən Azərbaycana minnətdardır.

"Report"un Türkiyə bürosu xəbər verir ki, bu sözləri İran xarici işlər nazirinin müavini Səid Xətibzadə jurnalistlərə açıqlamasında bildirib.

Onun sözlərinə görə, Türkiyə, Azərbaycan və digər ölkələrin dəstəyini yüksək qiymətləndirir:

"Ermənistan da daxil olmaqla, regionun bütün ölkələri ilə münasibətlərimiz müsbətdir".

Səid Xətibzadə bildirib ki, İran Prezidenti Məsud Pezeşkianın Azərbaycan Prezidenti İlham Əliyev ilə də telefon danışığı baş tutub və bu danışıq zamanı qarşılıqlı münasibətlərin davam etdirilməsi qərara alınıb:

"Region ölkələrindən aldığımız həmrəyliyi və dəstəyi yüksək qiymətləndiririk".