Gürcüstandan Azərbaycana növbəti təxliyə yekunlaşıb

Gürcüstandan Azərbaycana növbəti təxliyə yekunlaşıb Gürcüstandan daha 281 nəfərin Azərbaycana təxliyəsi prosesinə başlanılıb.
Xarici siyasət
2469
4 Sentyabr , 2020 11:35
Gürcüstandan Azərbaycana növbəti təxliyə yekunlaşıb
0 : 00
0 : 00

Gürcüstandan daha 281 nəfərin Azərbaycana təxliyəsi prosesi başa çatdırılıb.

“Report”un yerli bürosu xəbər verir ki, həmin şəxslər 5 avtobusla Azərbaycanla sərhəddəki “Qırmızı körpü” sərhəd-keçid məntəqəsinə çatdırılıb.

Azərbaycanın Gürcüstandakı səfirliyinin məsul əməkdaşlarının nəzarəti ilə vətəndaşların və soydaşların sərhədi növbəli şəkildə keçmələri təmin edilib.

Gürcüstandan Azərbaycana növbəti təxliyənin sentyabrın 8-də həyata keçirilməsi nəzərdə tutulub.

09:08

Gürcüstandan daha 281 nəfərin Azərbaycana təxliyəsi prosesinə başlanılıb.

“Report”un yerli bürosu xəbər verir ki, təxliyə olunan şəxslər Azərbaycanın Gürcüstandakı səfirliyinin binası qarşısına toplaşır.

Onların 123-ü Azərbaycan, 151-i Gürcüstan, 5-i Rusiya, 1-i Türkiyə, digər 1-i isə Ukrayna vətəndaşıdır.

Onların ötən gün Tbilisidə koronavirusla bağlı verdikləri testlər neqativ nəticələnib. Səfirlikdən təxliyə olunanlara 48 saat qüvvədə olacaq COVID-19 arayışı veriləndən sonra onlar saat 10:00-da 5 avtobusla Azərbaycanla sərhəddəki “Qırmızı körpü” sərhəd-keçid məntəqəsinə yola salınacaqlar.

Qeyd edək ki, pandemiya dövrü başlayandan bu günədək Gürcüstan vasitəsilə 2 minə yaxın azərbaycanlının Azərbaycana təxliyəsi təmin edilib.

Son xəbərlər

Orphus sistemi