Federasiya Şurası sədrinin müavini: "Heydər Əliyev hər kəsin arxasınca getməli olduğu mənəvi, mədəni və əxlaqi əsasdır"

"Ulu Öndər Heydər Əliyevin anadan olmasının 100 illiyi şərəfinə təşkil edilən sərgi bir çox digər tədbirlər kimi təkcə onun adının əsrlər boyu ucaldılması və yaşadılması məqsədi ilə keçirilmir. Heydər Əliyev hər kəsin arxasınca getməli olduğu mənəvi, mədəni və əxlaqi əsasdır".

“Report”un Rusiya bürosunun məlumatına görə, bu sözləri rusiyalı siyasətçi, Federasiya Şurasının Elm, təhsil və mədəniyyət komitəsi sədrinin birinci müavini İlyas Umaxanov Heydər Əliyevin anadan olmasının 100 illiyinə həsr olunmuş sərginin açılışında deyib.

Siyasətçi qeyd edib ki, Heydər Əliyevin adı ilk növbədə Azərbaycan xalqının qəlbində, fikrində və əməllərində əsrlər boyu yaşayacaq.