Ceyhun Bayramov: Konstitusiyada dəyişikliklərlə bağlı Ermənistandan əməli addımlar gözləyirik

Konstitusiyada dəyişikliklərlə bağlı Ermənistandan əməli addımlar gözləyirik.

"Report"un məlumatına görə, bu fikirləri xarici işlər naziri Ceyhun Bayramov jurnalistlərə açıqlamasında deyib.

Nazir qeyd edib ki, Azərbaycan ictimaiyyəti sülh sazişinin mətnindən başqa digər ciddi və açıq məsələ olduğunu bilir:

"Bu da Ermənistanın Konstitusiyasında və bir sıra hüquqi normativ aktlarda Azərbaycana qarşı ərazi iddialarının mövcudluğudur. Bu yöndə Ermənistandan ciddi əməli addımlar gözləyirik. Bəyanatlar, sülhpərvər mesajları eşidirik, amma real addımlarda ciddi çatışmazlıq görünür".