Nazir: “Azərbaycan bir sıra ölkələrə humanitar yardım göstərib”

“Azərbaycan il ərzində bir sıra ölkələrə humanitar yardım göstərib”.

"Report" xəbər verir ki, bunu Azərbaycanın xarici işlər naziri Ceyhun Bayramov ilin yekunlarına həsr olunmuş mətbuat konfransında deyib.

Onun sözlərinə görə, il ərzində Pakistan və Ukraynaya da humanitar yardım göndərilib.

"Ukraynaya 30 milyon manatdan çox humanitar yardım göstərilib. Bundan başqa, Azərbaycan evlərin və infrastrukturun dağılmasına səbəb olan və bir neçə min insanın həyatına son qoyan sel və sürüşmələrin fəsadları ilə mübarizədə Pakistana dəstək verib", - nazir bildirib.