Ceyhun Bayramov antiterror tədbirlərinə verdiyi dəstəyə görə türk dövlətlərinə xüsusi minnətdarlıq edib

Xarici işlər naziri Ceyhun Bayramov Azərbaycanın suveren torpaqlarında həyata keçirilmiş antiterror tədbirlərlə bağlı göstərilmiş dəstəyə görə türk dövlətlərinə xüsusi minnətdarlığını bildirib.

“Report” xəbər verir ki, o, bu barədə Türk Dövlətləri Təşkilatının (TDT) XİN başçılarının Nyu-Yorkda keçirilən qeyri-rəsmi görüşündə çıxışı zamanı deyib.

Nazir həmkarlarına Azərbaycanın Qarabağ bölgəsində qanunsuz erməni silahlı qüvvələrinə qarşı həyata keçirilmiş antiterror tədbirləri barədə məlumat verib.