Azərbaycan XİN: "Britaniya ilə əməkdaşlığın daha da inkişafını səbirsizliklə gözləyirik"

Azərbaycan və Böyük Britaniya arasında diplomatik əlaqələrin yaradılmasından 30 il ötür.

“Report” xəbər verir ki, Azərbaycan Xarici İşlər Nazirliyi bu münasibətlə tviter səhifəsində paylaşım edib.

“Bu gün Azərbaycan və Birləşmiş Krallıq arasında diplomatik münasibətlərin qurulmasının 30-cu ildönümüdür. Biz bu münasibətlə Birləşmiş Krallığın hökuməti və xalqına ən xoş arzularımızı çatdırırıq. Azərbaycan və Birləşmiş Krallıq arasında əməkdaşlığının daha da inkişafını səbirsizliklə gözləyirik”, - nazirlikdən bildirilib.