Azərbaycan və Şimali Kipr Türk Respublikasının xarici işlər nazirləri görüşüblər

Azərbaycan və Şimali Kipr Türk Respublikasının xarici işlər nazirləri Ceyhun Bayramov və Tahsin Ərtoğruloğlu IV Antalya Diplomatiya Forumu çərçivəsində görüşüblər.

“Report”un Türkiyəyə ezam olunmuş əməkdaşı xəbər verir ki, bu barədə jurnalistlərə açıqlamasında Tahsin Ərtoğruloğlu danışıb.

O qeyd edib ki, görüş çərçivəsində Kipr problemi müzakirə mövzusu olub:

“Kipr Türk Kipri və Yunan Kipri adlanır və biz həmin məsələni müzakirə etdik. Biz Azərbaycan Prezidenti İlham Əliyevə bizə göstərdiyi dəstəyə görə çox minnətdarıq. İki gün əvvəl o, möhtəşəm dəstək nümayiş etdirdi. Bugünkü görüş də bizim azərbaycanlı dostlarımıza təbii bir minnətdarlıq görüşümüz idi”.