Azərbaycan və Özbəkistanın İsraildəki səfirləri ikitərəfli münasibətlərin inkişafını müzakirə ediblər

Azərbaycanın İsraildəki səfiri Muxtar Məmmədov və özbəkistanlı həmkarı Cahongir Aminov Bakı və Daşkənd arasında ikitərəfli münasibətlərin inkişafını müzakirə edib.

“Report” xəbər verir ki, bu barədə Özbəkistanın Təl-Əvivdəki diplomatik missiyasının mətbuat xidməti məlumat yayıb.

“Özbəkistanın İsraildəki səfiri Zati-aliləri cənab C. Aminov Azərbaycanın səfiri Zati-aliləri cənab M.Məmmədovla səmimi və məhsuldar görüş keçirib”, – səfirliyin sosial şəbəkə hesabında qeyd olunub.

Bildirilib ki, müzakirə ikitərəfli münasibətlərin inkişafına və iki səfirlik arasında birgə tədbirlərin keçirilməsi imkanlarının nəzərdən keçirilməsinə həsr olunub.