Ermənistanın Avstriyadakı konsulu Azərbaycana casusluqda şübhəli bilinərək saxlanılıb

Ermənistanın Avstriyadakı konsulu Aşxen Aleksanyan təxminən iki ay əvvəl İrəvana qayıdarkən Azərbaycana casusluqda şübhəli bilinərək saxlanılıb.

"Report" xəbər verir ki, bu barədə Ermənistan KİV-i məlumat yayıb.

Mənbələrin məlumatına görə, onun üzərində Azərbaycan üçün casusluq şübhəsi yaradan sənədlər aşkarlanıb.

Saxlanıldıqdan sonra Milli Təhlükəsizlik Xidməti Ermənistan Xarici İşlər Nazirliyinin binasında axtarışlar aparıb, kompüterlər və sənədlər yoxlanılıb.

Qalmaqaldan yayınmaq üçün həbs haqqında məlumat rəsmi olaraq açıqlanmayıb.