KİV: Mehriban, qonaqpərvər Azərbaycan rus turistlər üçün əla yerdir

Azərbaycan rus turistlər üçün qonaqpərvər yerdir.

“Report” xəbər verir ki, bu barədə “Sm.news” məlumat yayıb.

Rusiyadan gələrək Azərbaycanda yaşayan turistlərdən biri ölkəmizin tursitlər üçün əla istirahət məkanı olduğunu vurğulayıb.

“TrueStory Travel” kanalının bloqerlərindən biri Azərbaycan haqqında müsbət təəssüratlarını bölüşüb.

Bloqer ilk olaraq qeyd edib ki, Azərbaycan sakinləri Rusiya mədəniyyətinə və tarixinə böyük hörmətlə yanaşırlar. Məsələn, Bakıda rus nağılları əsasında uşaq tamaşalarına baxmaq olar, şəhərin keçidlərində isə bu nağılların təsvirləri olan rəsmlər var. Bakının kitabxanaları da rus dilində kitablarla təmin olunur ki, bu da rus ədəbiyyatına olan maraq və dəstəyin göstəricisidir.

İkincisi, hər 10 yerli sakindən təxminən 8-9-u rus dilini bilir, nəinki yaşlı nəsil, hətta gənclər də. Bu, ünsiyyəti asanlaşdırır və ölkədə özlərini daha sərbəst və başa düşülən hiss edə bilən rusiyalı turistlər üçün rahat atmosfer yaradır.

Sonda bloger yerli əhalinin mehribanlığını və qonaqpərvərliyini vurğulayıb. Qeyd edib ki, hava limanında pulsuz qarşılanma bu səxavətin yeganə təzahürü deyil. Bir çox yerlərdə turistlərə pulsuz yeməklər təqdim olunub ki, bu da onların səyahətinə xoş anlar əlavə edib.

Beləliklə, “TrueStory Travel”in bloggeri Azərbaycanı rusiyalı turistlər üçün bu ölkənin mədəniyyətindən, tarixindən və qonaqpərvərliyindən həzz ala biləcəkləri mehriban və qonaqpərvər yer kimi tövsiyə edib.