Azərbaycanda turizm sektoru ötən il 700 min manat güzəştli kredit götürüb

2020-ci ildə İqtisadiyyat Nazirliyi yanında Sahibkarlığın İnkişafı Fondunun verdiyi 126,9 milyon manat güzəştli kreditin 56,5 milyon manatı yaxud 44,5%-i (824 layihə üzrə) kənd təsərrüfatı məhsulları istehsalçılarına ayrılıb.

"Report" bu barədə Fonda istinadən xəbər verir.

Məlumata görə, ötən il sənaye məhsullarının istehsalına və emalına (59 layihə) 47,3 milyon manat, kənd təsərrüfatı məhsullarının emalına (9 layihə) 5,9 milyon manat, infrastruktura (6 layihə) 1,6 milyon manat, turizmə (7 layihə) 0,7 milyon manat, digər sahələrə isə (3 layihə) 5 milyon manat güzəştli kredit verilib.