Bakı. 15 yanvar. REPORT.AZ/ Ötən il Azərbaycanda elektron turist vizasının verilməsi ilə bağlı Mədəniyyət və Turzim Nazirliyi tərəfindən 55 turizm şirkəti akkreditasiyadan keçirilib. "Report" xəbər verir ki, bu barədə "Elektron Hökumət" portalının hazırladığı aylıq bülletendə qeyd edilib.
Qeyd edək ki, 2013-cü il ərzində turizm şirkətləri tərəfindən elektron turist vizası vasitəsilə Azərbaycana gələn xarici turistlərin sayı 6 147 nəfər təşkil edib, 2014-cü ilin ilk yarısı üzrə isə bu rəqəm 11 933 nəfər olub.