​Azərbaycan Qətərlə fövqəladə hallar sahəsində əməkdaşlıq edəcək

Bakı. 16 dekabr. REPORT.AZ/ Dövlət başçısı İlham Əliyev Azərbaycan ilə Qətər arasında fövqəladə halların idarə edilməsi sahəsində əməkdaşlıq haqqında sazişin təsdiq edilməsi barədə fərman imzalayıb.

"Report"un verdiyi məlumata görə, sənəddə bildirilir:

"Azərbaycan hökuməti ilə Qətər hökuməti arasında fövqəladə halların idarə edilməsi sahəsində əməkdaşlıq haqqında 2014-cü il oktyabrın 20-də Doha şəhərində imzalanmış saziş təsdiq edilsin, Fövqəladə Hallar Nazirliyi bu fərmanın 1-ci hissəsində göstərilən sazişin müddəalarının həyata keçirilməsini təmin etsin və Xarici İşlər Nazirliyi həmin sazişin qüvvəyə minməsi üçün zəruri olan dövlətdaxili prosedurların yerinə yetirildiyi barədə Qətər hökumətini xəbərdar etsin".