Ötən il 32 min şəxsə elektron qaydada pensiya təyin olunub

Ötən il 32 min şəxsə elektron qaydada pensiya təyin olunub.

"Report" xəbər verir ki, bu barədə Dövlət Sosial Müdafiə Fondunun (DSMF) sədri Himalay Məmişov qurumun 2023-cü il üzrə hesabat tədbirində deyib.

O bildirib ki, 2019-cu ilin əvvəlindən başlayan elektronlaşma nəticəsində isə bu günə qədər ümumilikdə 102 min vətəndaşa proaktiv qaydada pensiya təyin olunub.

Fond sədri vurğulayıb ki, pensiya ödənişləri ötən il 781 mln. manat və ya 16 faiz artaraq 5 mlrd. 726 mln. manat təşkil edib: "Ötən il pensiyaların orta aylıq məbləği 17 faiz artaraq 436 manata, yaşa görə pensiyaların orta aylıq məbləği 17 faiz artaraq 467 manata çatıb".