“Aztikintiyol” MMC-nin rəhbərliyi inzibati məsuliyyətə cəlb edilib

Dövlət Əmək Müfəttişliyi Xidməti “Aztikintiyol” MMC-nin işçilərinin əmək hüquqlarının pozulması ilə bağlı sosial şəbəkələrdə yayılan məsələni araşdırıb.

"Report" xəbər verir ki, bu barədə DƏMX-dən bildirilib.

Qeyd olunub ki, araşdırmanın nəticəsinə uyğun olaraq 2022-ci ilin dekabr ayında MMC rəhbərliyi inzibati məsuliyyətə cəlb edilib və Xidmət tərəfindən əmək haqlarının ödənilməsi üçün müvafiq göstəriş verilib.