Azərbaycan və Litva pensiya təminatı üzrə əməkdaşlığı gücləndirmək niyyətindədir

“Azərbaycan və Litva pensiya təminatı sahəsində əməkdaşlığı gücləndirmək niyyətindədir”.

“Report” xəbər verir ki, bunu Litvanın sosial təhlükəsizlik və əmək nazirinin müavini Martinas Siurkus “Azərbaycanda pensiya islahatlarına dəstək-Faza 2” Avropa İttifaqının tvinninq layihəsinin açılış mərasimində çıxışı zamanı deyib.

Onun sözlərinə görə, pensiya sisteminin inkişafı Azərbaycanın sosial təminatın inkişafı sahəsinə töhfə verdiyini göstərir.

Nazir müavini bu layihənin maliyyə sabitliyinin təmin olunmasına töhfə verəcəyini də vurğulayıb: “Layihə ölkələrimiz arasında ikitərəfli əməkdaşlığın inkişafını təmin edəcək, biz bu sahədə əməkdaşlığımızı daha da gücləndirməyə çalışırıq”.