Sənaye məhəllələri “Azərbaycan İnvestisiya Şirkəti”nin tabeliyindən çıxarılıb

İqtisadiyyat Nazirliyinə məxsus “Azərbaycan İnvestisiya Şirkəti” ASC-nin tabeliyində olan Neftçala, Masallı, Hacıqabul və Sabirabad Sənaye Məhəllələri yeni yaradılmış İqtisadi Zonaların İnkişafı Agentliyinin tabeliyinə verilib.

“Report” xəbər verir ki, bununla bağlı Prezident İlham Əliyev sərəncam imzalayıb.

Qeyd edək ki, yeni agentlik nazirliyə məxsus “Sumqayıt Kimya Sənaye Parkı” MMC-nin bazasında yaradılıb. Həmin şirkət ölkədəki sənaye parklarının idarə edilməsi ilə məşğul idi.