Mikayıl Cabbarov: "Azərbaycanın sənaye zonalarında istehsal 88% artıb"

2021-ci ildə Azərbaycanın sənaye zonalarında 2020-ci illə müqayisədə 88,3% çox - 2,4 milyard manatlıq məhsul istehsal olunub.

"Report" xəbər verir ki, bu barədə iqtisadiyyat naziri Mikayıl Cabbarov bildirib.

"Ötən il sənaye zonalarının qeyri-neft sənayesi istehsalında payı 15,5%-ə yüksəlib, onun artımdakı payı isə 30% təşkil edib. Sənaye zonaları iqtisadiyyatın diversifikasiyasında, xüsusilə qeyri-neft sənayesinin inkişafında mühüm rol oynayır", - deyə nazir qeyd edib.