Çip böhranı bu il qlobal avtomobil sənayesinə 210 mlrd dollara başa gələcək

“AlixPartners” konsaltinq şirkəti bəyan edib ki, 2021-ci ildə qlobal avtomobil sənayesi eletron komponentlərin (çip) çatışmazlığına görə 210 mlrd ABŞ dolları itki ilə üzləşəcək.

“Report” bu barədə xarici mətbuata istinadən xəbər verir.

Şirkətin mütəxəssisləri hesab edirlər ki, bu itki dünyada avtomobil istehsalının ötən illə müqayisədə 7,7 milyon ədəd az olması hesabına yaranacaq.

Xatırladaq ki, bundan əvvəl “AlixPartners” avtomobil istehsalçılarının itkilərinin 11 milyard dollara çata biləcəyi ilə bağlı proqnoz vermişdi.

Xatırladaq ki, son aylar “Ford Motor”, “GM”, “Volkswagen”, “Jaguar Land Rover”, “Nissan”, “Honda”, “Toyota”, “Fiat Chrysler” kimi aparıcı avtomobil brendləri ya istehsalı dayandırmağa, ya da məhdudlaşdlırmağa məcbur olub.