Azərbaycanda polad boruların istehsalı 2 dəfədən çox artıb

Bu ilin yanvar-fevral aylarında Azərbaycanda 158,8 milyon manatlıq metallurgiya sənayesi məhsulları və hazır metal məmulatları istehsal olunub ki, bu da ötən ilin eyni dövrü ilə müqayisədə 39,3 % azdır.

Bu barədə "Report"a Dövlət Statistika Komitəsindən bildirilib.

Məlumata görə, son 1 ildə metallurgiya sənayesi məhsullarının istehsalında 35,4 %, hazır metal məmulatlarının istehsalında isə 4,2 % azalma müşahidə edilib.

İl ərzində ölkədə polad boruların istehsalı 2,1 dəfə artıb, polad tökmə istehsalı 16,4 %, armaturun istehsalı 57,4 %, hazır metal məmulatların istehsalı sahəsi üzrə isə metaldan konstruksiyaların istehsalı 53,8 % azalıb.