Azərbaycan elektrik naqillərin istehsalını 10 %-dən çox artırıb

Ötən ilin yanvar-noyabr aylarında Azərbaycanda 9 min 850 ton elektrik naqilləri istehsal edilib.

“Report” Dövlət Statistika Komitəsinə istinadən xəbər verir ki, bu, 2023-cü ilin eyni dövrü ilə müqayisədə 11,4 % çoxdur.

Təkcə noyabrda isə ölkədə 874 ton elektrik naqilləri istehsal olunub ki, bu da 1 il əvvələ nisbətən 10,2 % çoxdur.

Ötən ilin dekabrın 1-nə Azərbaycanda 835,6 ton hazır məhsul ehtiyatı olub.

Xatırladaq ki, 2023-cü ildə Azərbaycanda 10 min 67 ton elektrik naqilləri istehsal edilib ki, bu da 2022-ci illə müqayisədə 2,9 % azdır.