Sədr: "Azərbaycanda əhalinin 7,9 %-dən 15,1 %-ə qədəri piylənmədən əziyyət çəkir"

"Dövlət Statistika Komitəsinin sonuncu hesabatına görə Azərbaycanda əhalinin 7,9 %-dən 15,1 %-ə qədəri piylənmədən əziyyət çəkir".

"Report" xəbər verir ki, bunu TƏBİB-in icraçı diretoru Vüqar Qurbanov "Sağlam çəkiyə doğru" layihəsinin təqdimatında çıxışı zamanı deyib.

TƏBİB-in direktoru bildirib ki, bu rəqəmlər səhiyyə qurumlarında ciddi qayğı yaradır:

"Piylənmədən əziyyət çəkənlər yanaşı olaraq digər xəstəliklərdən də əziyyət çəkir. Bu məsələdə həmrəylik nümayiş etdirmək lazımdır. Odur ki, TƏBİB olaraq bir çox dövlət və özəl qurumlarla əməkdaşlığa maraqlıyıq və bu işə hazırıq".