Nazirlik zəif anemiyası olan uşaqlara peyvənd vurulmasını tövsiyə edib

“Hər hansı uşaqda qan azlığı ilə bağlı ciddi kəskin proses yoxdursa və dərin anemiya dövrünün pik həddində deyilsə, bütün peyvəndlər vurulmalıdır”.

“Report” xəbər verir ki, bunu Səhiyyə Nazirliyinin mütəxəssis-eksperti, pediatr Erkin Rəhimov deyib.

Onun sözlərinə görə, peyvəndlə zəif qan azlığı arasında əlaqə yoxdur.

E.Rəhimov əlavə edib ki, xəstəliyin kəskin fazasında peyvənd vurulması tövsiyə edilmir.

O misal olaraq qeyd edib ki, hətta ürək qüsurları olan uşaqlar belə peyvənd olunur.