Mütəxəssis koronavirus testlərinin fərqli nəticələr göstərməsinə aydınlıq gətirib

“Xəstəliyin ikinci həftəsində infeksiya aşağı tənəffüs yollarına düşür. Bu səbəbdən həmin vaxt götürülən PCR testi neqativ nəticə verə bilər”.

“Report” xəbər verir ki, bunu Səhiyyə Nazirliyinin baş infeksionisti Təyyar Eyvazov deyib.

Nazirlik rəsmisi qeyd edib ki, tibbdə 100 faizlik nəticə yoxdur: “Bəzən şikayətlər olur ki, kimsə bir neçə günlük fasilə ilə test verir və nəticə fərqli olur. Testlər standart olmadığına görə fərqli cavabların alınması təbiidir. Hər hansı anticisimlərin olması da qoruyuculuq demək deyil. Seroloji testlərə etibar etmək o qədər də uyğun deyil. Əsas effektiv üsul PCR yaxma testinin aparılmasıdır”.