Elnur Əşrəfoğlunun intensiv müalicəsi davam edir

Tanınmış jurnalist Elnur Əşrəfoğlunun 4 gündür ECMO dəstəyi davam edir.

Yeni Klinikadan "Report"a verilən məlumata görə, jurnalistin vəziyyəti ağır olaraq qalır.

"Təəssüf ki, onun səhhətində ciddi irəliləyiş yoxdur. İntensiv müalicəsi davam edir",- tibb ocağından bildirilib.

Qeyd edək ki, Elnur Əşrəfoğlu sentyabrın əvvəllərində koronavirusa yoluxub. Əvvəlcə ev şəraitində müalicə alan jurnalist daha sonra "Yeni Klinika"ya köçürülüb.