ATU-da bakalavr səviyyəsində tibb bacılarının hazırlanması nəzərdə tutulur

Hazırda Azərbaycan Tibb Universitetində bakalavr səviyyəsində tibb bacılarının hazırlanması nəzərdə tutulur.

“Report” xəbər verir ki, bununla bağlı Səhiyyə Nazirliyinin Tibb müəssisələrinin Akkreditasiyası və keyfiyyətə nəzarət Mərkəzi PHŞ-ın İdarə Heyətinin sədri vəzifələrini müvəqqəti icra edən Şərafət İsmayılova Milli Məclisdə keçirilən “İlkin səhiyyə xidməti: mövcud vəziyyət, görülən işlər, problemlər və onların həlli yolları” mövzusunda dinləmədə deyib.

O qeyd edib ki, ailə həkimi ilə bağlı da ciddi problemlər var:

“Məsələn bu proqram üzrə rezidenturaya 30 nəfər qəbul olub, amma cəmi 5 nəfər bitirib. Həmin say ailə həkiminə tələbatı ödəmir. Ona görə bu məsələ ilə bağlı yeni layihə hazırlanır”.