Rusiya XİN: Rəsmi Kiyevin Kerç boğazındakı təxribatı Rusiyaya qarşı sanksiyaların sərtləşdirilməsinə yönəlib

Bakı. 26 noyabr. REPORT.AZ/ Rusiya Xarici İşlər Nazirliyi Kerç boğazında baş verən hadisəni rəsmi Kiyevin təxribatı adlandırıb.

"Report" TASS-a istinadən xəbər verir ki, bu barədə Rusiya xarici işlər nazirinin müavini Qriqori Karasin bildirib.

Onun sözlərinə görə, bu təxribat Ukraynanı hərbi vəziyyət elan etməklə silkələməyə, Qərbin antirusiya əhvalını yüksəltməyə və Rusiyaya qarşı sanksiyaların sərtləşdirilməsinə yönəlib.

"Görünür, Poroşenko üçün seçki kampaniyasını belə aparmaq daha rahatdır", - Rusiya xarici işlər nazirinin müavini vurğulayıb.