Zelenski: “Avropalılar, deyə bilməzsiniz ki, başımıza gələnləri görməmisiniz”

Zelenski: “Avropalılar, deyə bilməzsiniz ki, başımıza gələnləri görməmisiniz” Ukrayna Prezidenti Volodimir Zelenski rusiyalı həmkarı Vladimir Putinin nüvə silahından istifadə ilə hədəsini “blef” adlandırıb.
Region
327
10 Mart , 2022 02:21
Zelenski: “Avropalılar, deyə bilməzsiniz ki, başımıza gələnləri görməmisiniz”

Ukrayna Prezidenti Volodimir Zelenski rusiyalı həmkarı Vladimir Putinin nüvə silahından istifadə ilə bağlı hədəsini “blef” adlandırıb.

Bu barədə “Report” xarici mətbuata istinadən xəbər verir.

"Məncə, nüvə müharibəsi təhlükəsi blefdir. Qatil olmaq başqa şeydir. İntihar etmək başqa şeydir", - Zelenski deyib.

Ukrayna Prezidenti həmçinin martın 9-da Rusiya hərbçilərinin Mariupolda doğum xəstəxanasına hava zərbəsi endirməsini ukraynalıların davam edən soyqırımının yekun sübutu adlandırıb.

"Öldürülmüş insanlar. Öldürülmüş uşaqlar. Doğum evinə hava bombası. Bu, ukraynalıların soyqırımının baş verdiyinə dair son sübutdur", - Zelenski deyib.

Dövlət başçısı Avropaya üz tutub. Onun sözlərinə görə, avropalılar Rusiyaya qarşı sanksiyaları sərtləşdirməlidirlər ki, “işğalçının daha bu soyqırımı davam etdirmək imkanı” olmasın.

"Avropalılar, siz deyə bilməzsiniz ki, ukraynalıların başına gələnləri, Mariupolda Mariupol sakinlərinin başına gələnləri görməmisiniz. Gördünüz. Bilirsiniz. Ona görə də Rusiyaya qarşı sanksiyaları gücləndirməlisiniz", - Ukrayna Prezidenti əlavə edib.

Son xəbərlər

Orphus sistemi