Yerevanda hökumət binasının qarşısında tutulan şəxslərin sayı 51-ə çatıb - YENİLƏNİB

Ermənistanda hökumət binasının qarşısında tutulan aksiya iştirakçılarının sayı 51 nəfərə çatıb.

“Report” “Sputnik Armeniya”ya istinadən xəbər verir ki, bu barədə Polis İdarəsindən bildiriblər.

12:11

Ermənistanda baş nazir Nikol Paşinyanın istefasını tələb edənlər hökumət binasının qarşısında etiraz aksiyası keçiriblər.

“Report” xəbər verir ki, məlumatı “Novosti Armeniya” yayıb.

N.Paşinyan binaya girərkən aksiyaçılar “Satqın, eşşək!”, “Nikol satqın!”, “Türk əclafı ləyaqətin yoxdur!” və başqa şüarlar səsləndiriblər.

Aksiya iştirakçıları hökumət evinə giriş qapılarını bağlamağa cəhd göstərib. Binanın qarşısına cəlb edilən polis əməkdaşları etirazşıları oradan uzaqlaşdırmağa başlayıb.

Polis 25 nəfəri saxlayıb.